سی پیک پاکستان تے چین سمیت پورے خطے سانگے گیم چینجر ہے، ایں دے ذریعے پسماندہ علاقیں کوں ترقی دے عمل اچ رلایا ویسی
اسلام آباد ۔ 27 اپریل (اے پی پی) وفاقی وزیر ترقی و منصوبہ بندی احسن اقبال آکھیا ہے جو سی پیک پاکستان تے چین سمیت پورے خطے سانگے گیم چینجر ہے ،سی پیک دے ذریعے پسماندہ علاقیں کوں ترقی دے عمل نال رلایا ویسی ،صنعتی انقلاب دے ذریعے معیشت مستحکم تھیسی تے پاکستان خطے ا چ پیدا واری مرکز بنڑ ویسی ۔انہاں خیالاں دااظہار انہاں خمیس کوں اسلام آباد اچ فاسٹ سکول آف مینجمنٹ دے زیر اہمتام ”سی پیک دی حقیقت اتے خدشات تے” سیمینار توں خطاب کریندے ہوئیں کیتا ۔ احسن اقبال آکھیا جو موجودہ حکومت پاکستان اچ سی پیک دے ذریعے ترقی تے خوشحالی دے وڈے موقع پیدا کیتے ہن ۔ انہاں موقع توں مستقبل اچ ترقی دے نویں دور دا آغاز تھیسی ۔ احسن اقبال آکھیا جو 2025تئیں پاکستان دنیا دیاں 25 مستحکم معیشتاں اچ شامل تھی ویسی۔ انہاں آکھیا جو سیاسی ناقدین اساں تے تنقید اتے منفی تبصرے کیتے ہن لیکن اساں کم جاری رکھیا ہویا ہے تے سڑکاں دا جال وچھاونڑ تے جدید انفراسٹرکچر بنڑاونڑ تے توجہ ڈتی ہوئی ہے ۔
