اسلام آباد۔ 14 اپریل (اے پی پی) پاکستان اچ تعینات چین دے سفیر سن وی ڈونگ ّآکھیا ہے جو چین دی قیادت اتے عوام بین الاقوامی ترقی دے خواہش مند ہن۔ جمعے کوں اتھاںچین دے صدر شی جن پنگ دی کتاب دی تقریب رونمائی توں خطاب کریندے ہوئیں انہاں آکھیا جو 2014اچ پاکستان اتے چین رل تے چینی صدردی کتاب دا انگریزی ایڈیشن شائع کیتا ہئی جیں دا اج اردو ترجمہ شائع کیتا ویندا پیا ہے ۔ انہاں آکھیا جو چینی صدر شی جنگ پنگ دے دورے نال دوہیں ملکاں دے تعلقات مستحکم تھئے ہن انہاں کوں نویں جہت ملی ہے ۔
