اسلام آباد ۔ 18 مئی (اے پی پی) مسلم لیگ (ن) دے رہنما دانیال عزیز آکھیا جو ساریاں پارٹیاں کوںپوائنٹ سکورنگ دی بجائے ملکی مسئلے حل کرنڑ سانگے حکومت دے نال رل تے کم کرنڑ دی ضرورت ہے ۔نجی ٹی وی چینل نال گالھ مہاڑ کریندے ہوئیں انہاں آکھیا جو مسلم لیگ ن پاکستان دی واحد جماعت ہے جیں ہر فورم تے خود کوں احتساب سانگے پیش کیتا ہے ۔انہاں آکھیا جو تحریک انصاف ہمیشہ احتساب دا نعرہ لاتا ہے تاں جو خود کوں احتساب سانگے پیش کرنڑ توں ہک پاسے رہی ۔دانیا عزیز آکھیا جو نظام کوں مضبوط بنڑاونڑ سانگے احتساب دے عمل کوں مزید تکھا کرنڑ دی ضرورت ہے تے ساریاں سیاسی جماعتاں ایں سلسلے اچ اپنڑاں کردار ادا کرن ۔ہک سوال تے انہاں موجودہ حکومت توانائی بحران تے لوڈشیڈنگ تے قابو پاونڑ سانگے پکے اقدامات کریندی پئی ہے ۔
