اسلام آباد ۔18 مئی(اے پی پی) ریاستاں تے سرحدی امور دے وفاقی وزیر جنرل (ر) عبدالقادر بلوچ آکھیا ہے جو ذرائع ابلاغ دے ذریعے اے تاثر ڈیونڑ دی کوشش کیتی گی جو وزیراعظم انہاں کوں ٹیلی فون دے ذریعے فاٹا دے حوالے نال قنون سازی دے امور کوں روکنڑ دا حکم ڈتا ہے اے درست کائنی ،فاٹا دے حوالے نال قنون سازی اچ وختی نہ کرنڑ دا مطالبہ متعلقہ کمیٹی دے ارکان کیتا ہے ایں حوالے نال اساں فاٹادے رکناں نال گالھ کیتی ہے جیں دا اصرار ہے جو رواج ایکٹ توں پہلے فاٹا دے انضمام اچ وختی کیتی ونجے ۔خمیس کوں قومی اسمبلی اچ اپوزیشن ارکان ولوں فاٹا اصلاحات دے حوالے نال چاتے نکات دے جواب اچ ریاستاں تے سرحدی امور دے وفاقی وزیر جنرل (ر) عبدالقادر بلوچ آکھیا جو اساں جیں آئین دا حلف چاتا ہے ایندے پابند ہوں ۔انہاں آکھیا جو آئین دے آرٹیکل 1دے تحت قبائلی علاقیں کوں وفاق دے زیر انتظام علاقہ آکھیا گیا ہے ۔¾ین اچ بلوچستان تے صوبہ کے پی کے دے قبائلی علاقیں دی تعریف کیتی گی ہے ،صدر مملکت کوں آئین دے تحت اختیار حاصل ہے جو صدر پاکستان قبائلی علاقیں دے حوالے نال قبائلی جرگہ دی سفارشات تے کوئی وی فیصلہ کر سگدے ہن ۔
