اسلام آباد ۔ 23 مئی (اے پی پی) وفاقی وزیر خزانہ سینیٹر اسحاق ڈار نال گورنر سندھ محمد زبیر ملاقات کیتی اتے صوبہ سندھ اچ جاری ترقیاتی کماں اتے کراچی اچ قیام امن کیتے جاری آپریشن اُتے گالھ مہاڑ کیتی ۔ ایں موقعے وفاق دے فنڈز نال شروع منصوبیاں بارے وی گالھ مہاڑتھئی ۔ ڈوہائیں رہنماواں ایںگالھ تے اتفاق کیتا جو کراچی آپریشن شہر دی سماجی تے اقتصادی سرگرمیاں اُتے بہوں چنگے اثرات پاتے ہن اتے ایندے نال لوکیں دا اعتماد پورے طور تے بحال تھئے ۔ ایںموقعے تے وفاقی وزیر اسحاق ڈار کراچی دے لوکیںکیتے شہری سہولتاںدی بہتری دی لوڑ اُتے زرو ڈتا اتے آکھیا جو گزریل چال سالیں اچ وفاقی سطح اُتے ریونیو وصولی اچ بہتری دے نتیجے اچ صوبیاں کوں فنڈز دی منتقلی وی ودھی ہے ۔ جئیں پاروں صوبیاں دے مالیاتی وسائل اچ ودھار تھئے ۔ انہاں آکھیا جو وفاقی حکومت صوبہ سندھ اچ اقتصادی ترقی کیتے کوششاں اچ مکمل معاونت ڈتی ہے ۔ وفاقی وزیر آکھیا جو حکومت آندے مالی سال دے بجٹ اچ سرکاری شعبے دے ترقیاتی پروگرام کیتے بجٹ اچ ودھار ا کریسی ، اتے سندھ سمیت سارے صوبے ایں ودھارے نال ترقیاتی سرگرمیاں اتے عوامی فلاح و بہبود دی صورت اچ فیدہ چیسن۔
