اسلام آباد ۔ 14 جون (اے پی پی) الیکشن کمیشن آف پاکستان آندے عام انتخابات اچ پولنگ سٹیشناں تے کلوز سرکٹ ٹی وی کیمرے نصب کرنڑ دا فیصلہ کیتا ہے ۔ الیکشن کمیشن آف پاکستان دے ترجمان ہارون شنواری گذریل ڈینھ غیرملکی نشریاتی ادارے کوں ڈسایا جو انتخابات اچ بے ضابطگیاں دے ازالے سانگے الیکشن کمیشن آندے عام انتخابات اچ پولنگ سٹیشناں اچ کلوز سرکٹ ٹی وی کیمرے لاونڑ دا فیصلہ کیتا ہے۔ انہاں آکھیا جو ایں ضمن اچ مختلف پولنگ سٹیشناں تے70 ہزارتوں ودھ کلوز سرکٹ ٹی وی کیمرے لاتے ویسن ۔
