گن ،شنگھائی تعاون تنظیم دی سٹیٹ کونسل دے سربراہان دے اجلاس اچ شرکت کریسن ، پاکستان ایںتنظیم دا پورا رکن بنڑ ویسی
اسلام آباد ۔ 08 جون (اے پی پی) وزیراعظم محمد نواز شریف خمیس کوںسویل قزاخستان روانہ تھی گن جتھاں او شنگھائی تعاون تنظیم ( ایس سی او) دی سٹیٹ کونسل دے سربراہیں دے 17 ویں ڈو ڈینھ اجلاس اچ شرکت کریسن ۔وزیراعظم دے مشیر خارجہ امور سرتاج عزیز ،وزیر تجارت خرم دستگیر اتے وزیر مملکت پٹرولیم جام کمال انہاں دے نال ہن۔ ایس سی او سربراہ اجلاس دے موقع تے وزیر اعظم محمد نواز شریف اجلاس اچ شرکت سانگے آئے عالمی رہنماواں نال ملاقاتاں کریسن ۔ ایس سی او سربراہ اجلاس دے موقع تے قزاخستان اچ بین الاقوامی نمائش “انٹرنیشنل ایکسپو 2017 ” وی منعقد تھیسی جیں اچ پاکستان سمیت 100توں ودھ ملک شرکت کریسن ۔ وزیر اعظم محمد نواز شریف ایں نمائش دی افتتاحی تقریب اچ شرکت کریسن۔ قزاخستان دے دارالحکومت آستانہ اچ منعقد تھیونڑ آلے شنگھائی تعاون تنظیم دے سربراہ اجلاس دے موقع تے پاکستان ایں تنظیم دا پورا رکن بنڑ ویسی ۔ پاکستان 2005توں ایں تنظیم دا مبصر رہیا ہے ایں 2010اچ ایں تنظیم دی پوری رکنیت دی درخواست ڈتی ہئی ۔ پاکستان کوں پوری رکنیت ڈیونڑ دا اصولی فیصلہ 2015اچ روس دے شہر اوفا اچ تھیونڑ آلے ایس سی او ہیڈز آف سٹیٹ اجلاس اچ کیتا گیا۔ ہیڈز آف سٹیٹ کونسل شنگھائی تعاون تنظیم دا اعلیٰ ترین فیصلہ ساز ادارہ ہے جیں دااجلاس ہر سال ہونداہے ۔ ایں دا گزریل اجلاس ازبکستان دے شہر تاشقند اچ تھیا ہئی ۔ واضح رہے جو پاکستان دے شنگھائی تعاون تنظیم دے بئے رکن ملکاں دے نال گھاٹے تاریخی ، ثقافتی، اقتصادی رابطے موجود ہن ۔ اے ڈو ڈینھ اجلاس اج جمعے کوں ختم تھیسی ۔
