لاہور۔02 جون(اے پی پی )وزےر خزانہ ڈاکٹر عائشہ غوث پاشاجمعہ کوں جنرل وصولیاں دی مد اچ 15کھرب2ارب روپے دا تخمینہ لاتا گئے ،محاصل دی وصولی دا ہدف 1502ارب روپے رکھیا گئے ،سالانہ ترقےاتی پروگرام دا حجم635ارب روپے،صحت سانگے263 ارب روپے22کروڑ ،تعلیم سانگے 345ارب روپے رکھےے گئن،سرکاری ملازمین دی تنخواہواں اچ ایڈہاک الاﺅنس2010ءکو ںضم کرتے 10فیصدودھارا ‘پنشناں اچ وی 10فیصد ودھارے دا اعلانآندے مالی سال اچ 25ارب روپے دی مالےت دے انویسٹمنٹ بانڈز جاری کیتے ویسن،تعمیراتی سروسز تے سیلز ٹیکس دی شرح 16فیصد توں گھٹ کر تے 5فیصدکرنڑ دا فیصلہ ،پنجاب ’ مالی سال2017-18 ءسانگے 19کھرب70ارب 70کروڑ روپے دا عوام دوست بجٹ پیش کر ڈتا۔صوبائی وزیرخزانہ پنجاب اسمبلی اچ بجٹ پیش کریندیں ہوئیں ڈسایا جو بجٹ اچ صحت عامہ،تعلیم،زراعت،امن عامہ،انصاف اتے مقامی حکومتاں سانگے مجموعی طور1017 ارب روپے رکھےے گئن جیڑھا جو کل بجٹ دا تقریباً 59فیصد اے،صوبے دے قابل تقسیم محاصل دا 44فیصد حصہ مقامی حکومتاں سانگے رکھیا گئے ،،تعلیم‘صحت ‘واٹر سپلائی ‘سینی ٹیشن ‘ویمن ڈویلپمنٹ اتے سوشل ویلفیئر تے مشتمل سماجی شعبہ سانگے ترقیاتی بجٹ اچ 201ارب روپے 63کروڑ روپے دی رقم رکھی گئی اے۔ سکول ایجوکیشن سانگے 53ارب36کروڑ روپے ‘ڈسٹرکٹ ایجوکیشن اتھارٹیزسانگے 230ارب روپے‘ضلعی سطح تے تعلیم سانگے169ارب روپے رکھنڑ دی تجویز اے،صوبائی وزیرخزانہ ڈسایا جو ہائیر ایجوکیشن دے شعبہ سانگے 44ارب روپے 60کروڑ روپے،اعلیٰ تعلیم دے شعبہ دے ترقیاتی پروگرام سانگے 18ارب روپے توں ودھ دے فنڈز ڈتے ویندے پئن ،انہاں ڈسایا جو صحت عامہ سانگے مجموعی طور263ارب روپے 22کروڑ رکھنڑ دی تجویز اے۔ ،پرائمری اینڈ سیکنڈری ہیلتھ کیئر سانگے112ارب روپے ‘ضلعی ہیلتھ اتھارٹیز سانگے 73 ارب 50کروڑ روپے ‘سپیشلائزڈ ہیلتھ کیئر اینڈ میڈیکل ایجوکیشن سانگے 120اربے روپے ۔وزیر خزانہ آکھیا جو پنجاب اچ صاف پانڑی پروگرام سانگے 25ارب روپے رکھنڑ دی تجویز اے۔ انہاں ڈسایا جو زراعت‘آبپاشی‘لائیوسٹاک‘ماہی پروری‘خوراک سانگے 140ارب 50کروڑ روپے دی رقم مختص کیتی گئی اے،کسان پیکیج دے تحت کھاد دے نرخان اچ گھٹکی کوں آندے سال وی برقرار رکھیا ویسی،زرعی ٹیوب ویلاں تے 6ارب توں ودھ دے سیلز ٹکس کوں وی حکومت پنجاب ادا کریسی،بجٹ اچ کسان پیکیج سانگے 15ارب روپے دی رقم رکھی ویندی پئی اے،‘ایس ایم ایز سانگے3ارب روپے‘قائد اعظم اپیرل پارک سانگے 4ارب روپے‘وزیر اعلی خود روز گار سکیم سانگے 2ارب روپے‘امن عامہ و انصاف سانگے 198ارب روپے مختص کیتے گئن،صوبائی وزیر خزانہ آکھیا جو سیف سٹی اتھارٹی دے تحت سیف سٹی پراجیکٹس سانگے 45ارب روپے ‘روڈ سیکٹر سانگے 90ارب64کروڑ روپے مختص کرنڑدی تجویز اے۔انہاں آکھیا جو بے روزگار نینگراں کوں اورنج کیب سکیم دے تحت 50ہزار گاڈیاں بلا سود آسان قسطاں تے ڈتی ویسن جئیں تے 35ارب روپے دی لاگت امسی،وزیرخزانہ آکھیا جو اج پاکستانی معیشت دا حجم 300ارب ڈالر توں ودھ گئے ،ایں مالی سال اچ پاکستان دی معیشت دی شرح نمو5.28فیصد رہی اتے اساڈی فی کس آمدنڑی 1531ڈالر توں ودھ کراہیں 1629ڈالر تھی گئی اے۔
