راولپنڈی۔ 10 جون (اے پی پی) چیف آف آرمی سٹاف جنرل قمر جاوید باجوہ آکھے جو پاک فوج ملک کوں درپیش دفاعی اتے سلامتی بارے چیلنجاں کوں چنگی طرح جانڑی ہے ، پاکستان حق خودارادیت کیتے کشمیریاں دی جدوجہد دی حمایت جاری رکھیسی ۔ پاک فوج دے جواناں دیاں آپریشنل تیاریاں مثالی اتے حوصلے بلند ہن ۔ آئی ایس پی آر ولوں جاری پریس ریلیز دے مطابق آرمی چیف جنرل قمر جاوید باجوہ چھنڑ چھنڑ کوں مظفرآباد سیکٹر اچ ایل او سی دا دورہ کیتا اتے اے گالہیں آکھیاں۔ ایں موقعے تے پاک فوج دے سربراہ کوں مقامی کمانڈر ولوں آپریشنل صورتحال بارے ڈسایا گیا۔ بھارت ولوں ایل او سی اُتے جنگ بندی دیاں خلاف ورزیاں اتے پاک فو ج ولوں جوابی کارروائیاں بارے وی ڈسایاگیا۔ ایں موقعے تے انہاں کوں ایف ڈبلیو او دے ترقیاتی کماں بارے وی ڈسایا گیا۔
