اسلام آباد ۔ 12 جولائی (اے پی پی) مسلم لیگ (ن) دے رکن قومی اسمبلی تے پارلیمانی سیکرٹری خزانہ رانا محمد افضل آکھیا ہے جو اپوزیشن سیاسی پوائنٹ سکورنگ کریندی پئی ہے ،اینکوں ترقی تے خوشحالی تے ملکی معیشت دے استحکام نال کوئی سرو کار کائنی اساں اپنڑے آئینی تے قانونی حق سانگے لڑسوں ہک انٹرویو اچ انہاں آکھیا جو اساں سمجھدوں جوجے آئی ٹی اساڈے نال کوئی وی چنگاں تے مناسب سلوک کائنی کیتا اساں اپنڑے وکیلاں نال مشورے دے بعد عدالت عظمیٰ اچ گے ہوں تے جے آئی ٹی دی تحقیقات دے طریقہ کار تے اپنڑے تحفظات دا اظہار وی کیتا ہے ۔جے آئی ٹی دی رپورٹ تے اساکوں بہوں اعتراض ہن اساں اپنڑے آئینی تے قانونی حق سانگے لڑسوں تے عدالت دے ہر فیصلے کوں قبول کریسوں ۔
