اسلام آباد ۔ 3 جولائی (اے پی پی) مسلم لیگ (ن) دے چیئرمین اتے سینیٹ اچ قائد ایوان راجہ محمد ظفر الحق آکھیا ہے جو پانامہ پیپرز کیس دی تحقیقات کرنڑ آلی مشترکہ تحقیقاتی ٹیم ( جے آئی ٹی) دا طریقہ کار اتے رویہ سپریم کورٹ دے فیصلے دی روح دے منافی ہے، ایں بارے اچ بہوں سارے لوکاں دے تحفظات ہن تے ایندے نال ردعمل جنم گھندا پیا ہے واضح طور تے ڈکھائی ڈیندا پیا ہے مسلم لیگ (ن) کوں ہدف بنڑایا ویندا پیا ہے ۔انہاں خیالاں دا اظہار انہاں ”اے پی پی“ نال ٹیلیفون تے گالھ مہاڑ کریندے ہوئیں کیتا۔ ہک سوال دے جواب اچ راجہ ظفر الحق آکھیا جومشترکہ تحقیقاتی ٹیم (جے آئی ٹی) دے طریقہ کار اتے رویہ تے بہوں سارے لوکاں کوں تحفظات ہن۔ سپریم کورٹ دے فیصلے دی سپرٹ تے عمل کائنی تھیندا پیا ۔ انہاں آکھیا جو جے آئی ٹی ولوں تحقیقات ایں انداز اچ تھیندی پئی ہے جیویں کہیں کوں ٹارگٹ کرنڑ مقصود ہووے جڈاں جو ایجھا عمل نی ہوونڑاں چاہیدا ۔ راجہ ظفر الحق آکھیا جو ایجھے لوک جنہاں دا تعلق مسلم لیگ ن نال کائنی او وی اکھیندے پے ہن جو اینویں نی ہوونڑاں چاہیدا واضح لگدا پیا ہے جو مسلم لیگ (ن) کو ںٹارگٹ بنڑایا ویندا پیا ہے ۔
