اسلام آباد ۔ 22 اگست (اے پی پی) وفاقی وزیر ریلوے خواجہ سعد رفیق وڈی عید دے موقع تے ودھ سارے رش پاروں ملک دے مختلف شہراں توں 5سپیشل ریل گاڈیاں چلاونڑ دی منظوری ڈے ڈتی ہے ۔اے سپیشل ریل گاڈیاں کراچی ، کوئٹہ ، راولپنڈی اتے ملتان توں چلائیاں ویسن ۔نکی عید وانگوں وی وڈی عید تے کراچی توں دو خصوصی ریل گاڈیاں چلایاں ویسن ۔وزیر ریلویز خواجہ سعد رفیق ہدایت کیتی ہے جو عید دے موقع تے معمول دیاں ریل گاڈیاں تے وی ودھیک بوگیاں لاتیاں ویسن تے سپیشل ریل گاڈیاں اچ آن لائن بکنگ دی سہولت وی ڈتی ونجے ۔
