حکومت دیاں دانشمندانہ پالیسیاںپاروںپاکستان دی معیشت بہوں چنگی پیشرفت کیتی
چین پاکستان اقتصادی راہداری نال سرمایہ کاری دی صورتحال مزید بہتر تھیسی
آستانہ (قزاخستان) ۔ 12 ستمبر (اے پی پی) صدر مملکت ممنون حسین آکھیا ہے جو افغانستان دا مسئلہ جنگ دے ذریعے نی بلکہ صرف مذاکرات دے ذریعے حل کیتا ونج سگدا ہے ۔پاکستان افغانستان اچ استحکام سانگے اپنڑے افغان بھراوں دی معاونت جاری رکھیسی ۔انہاں اے گالھ منگل کوں اتھاں پاکستانی ماہرین تعلیم اتے دانشوروں دے اجتماع توں خطاب کریندے ہوئیں آکھی ۔ تقریب اچ قزاخستان اچپاکستان دے سفیر عبدالسالک خان ، کامسٹیک دے کوآرڈینیٹر، اسسٹنٹ سیکرٹری جنرل او آئی سی نعیم خان ، ڈائریکٹر جنرل سائنس و ٹیکنالوجی عرفان شوکت تے پاکستانی تارکین وطن دی وڈی تعداد موجود ہئی۔ صدر جیرھے جو ہفتے کوںچار ڈینھ دے سرکاری دورے تے آستانہ پجے ہن انہاں تقریب توں خطاب کریندے ہوئیں آکھیا جو پاکستان توں باصلاحیت لوکاں دے ملک چھوڑ تے ونجنڑ دا دور ہنڑ مک گیا ہے ہنڑ پاکستانی ماہرین تعلیم تے پروفیشنل اپنڑی مادر وطن اچ خدمتاں سر انجام ڈیون ۔انہاں آکھیا جو قزاخستان اچ پاکستانی تارکین وطن خدمات انجام ڈیندے پن جیرھے جو ملک سانگے نیک نامی دا باعث ہن ۔صدر آکھیا جو حکومت دیاں دانشمندانہ تے کاروبا دوست پالیسیاں دی وجہ توں پاکستان دی معیشت گزریل کجھ سالاں اچ بہوں چنگی پیشرفت کیتی ہے ۔انہاں آکھیا جو پاک چین اقتصادی راہداری فعاول تھیونڑ نال ملک اچ سرمایہ کاری دی صورت مزید بہتر تھی ویسی ۔
