حقوق ملکیت دانش دے تحفظ دے حوالے نال پاکستان دی درجہ بندی اچ بہتری، پاکستان کو ںسپیشل 301 ترجیحی واچ لسٹ توں آﺅٹ آف سائیکل ری ویو دے نال واچ لسٹ اچ شامل کر ڈتا گیا ہے
اسلام آباد ۔ 27 ستمبر (اے پی پی) حقوق ملکیت دانش دے تحفظ دے حوالے نال پاکستان دی درجہ بندی اچ بہتری آئی ،ایں شعبے اچ پاکستان کوں سپیشل 301ترجیحی واچ لسٹ توں آﺅٹ آف سائیکل ری ویو دے نال واچ لسٹ اچ شامل کر ڈتا گیا ۔اے گالھ پاکستان اچ امریکہ دے سفیر ڈیوڈ ہیل وفاقی وزیر خزانہ سینیٹر اسحاق ڈار کوں بدھ دے ڈینھ ٹیلیفونک گالھ مہاڑ دے دوران ڈسائی ۔ انہاں وفاقی وزیر کوں حقوق ملکیت دانش متعلق امریکی حکومت دی سالانہ سپیشل 301 رپورٹ بارے اچ ڈسایا۔ امریکی سفیر وفاقی وزیر کوں ملکیت دانش دے تحفظ دے حوالے نال پاکستان دی درجہ بندی اچ چنگائی تے مبارخ ڈتی ۔ رپورٹ اچ ایں شعبے اچ پاکستان ولوں کیتے گے اقدامات دا اعتراف کیتا گیا ۔
