اسلام آباد ۔ 29 ستمبر (اے پی پی) وزیر داخلہ احسن اقبال آکھیا ہے جو دہشت گردید نال نبڑنڑ سانگے علاقائی تعاون دی ضرورت ہے ،پاکستان ترقی سانگے مستحکم ماحول پیدا کرنڑ چاہندے،خطے اچ امن تے استحکام سانگے سارے ملکاں کوں رل تے کم کرنڑاں ہے ۔انہاں خیالاں دااظہار انہاں ” گوبل ٹائم “ کوں انٹر ویو اچ کیتا ۔احسن اقبال آکھیا جو اگر خطے دا ہک حصہ غیر محفوظ ہووے تاں ایندے نال پورا خطہ وکیڑ اچ آسگدا ہے ۔پاکستان تے مغربی میڈیا اکثر ” دہشت گردی دی پاڑ “ ہوونڑ دے حوالے نال تنقید کریندا ہے لیکن پاکستان خود دہشت گردی دا شکار ہے ایں سانگے اساں تے الزام لاونڑ چنگی گالھ کائنی ۔انہاں آکھیا جو خطے اچ نائن الیون دے بعد افغانستان تے امریکی حملے دی باری قیمت چکائی ہے ۔انہاں آکھیا جو پاکستان دی حکومت پشاور اچ سکول دے حملے تے بئے واقعات اچ ملوث عناصر دے خلاف اہم کاروائیاں کیتیاں ہن تے دہشت گرد گروپ دا نیٹ ورک تروڑ ڈتا ہے ۔وفاقی وزیر آکھیا جو افغانستان دے مسئلے دا سیاسی حل تلاش کرنڑ دی ضرورت ہے انہاں آکھیا جو امریکی قیادت اچ افغانستان دے مسلے دا فوجی حل ہک عشرے توں ودھ دا حل کائنی کڈھیا ونج سگیا ۔انہاں آکھیا جو افغانستان 2001توں پہلے دے مقابلے اچ اج ودھ مستحکم کائنی ۔انہاں آکھیا جو پاکستان کوں مغربی سرحد تووں در اندازی دا خطرہ ہر ویلھے ہے ۔پاکستان دہشت گردی دی وجہ توں بہوں ضیان چاتا ہے تے 70ہزار توں ودھ قربانیاں ڈتیاں ہن ۔انہاں آکھیا جو پاک چین اقتصادی راہداری (سی پیک) دے تحت پاکستان اچ ہزاراں چینی ورکر موجود ہن تے اے قومی ہیرو ہن۔ او پاکستان اچ ترقی سانگے کم کریندے پن۔ ایں سانگے اساں انہاں کوں اپنڑاں قومی ہیرو سمجھدوں ۔ وفاقی وزیر داخلہ احسن اقبال جیرھے جو وزیر ترقی تے منصوبہ بندی وی ہن انہاں آکھیا جو اے اساڈی ذمے واری ہے جو انہاں دی سلامتی تے تحفظ سانگے ذرائع استعما ل کریسوں۔ انہاںآکھیا جوپاکستان سی پیک منصوبیں اتے پاکستان اچ کم کرنڑ آلے چینی شہریاں دی سلامتی کوں یقینی بنڑاونڑ سانگے 15ہزار دی نفری تے مشتمل خصوصی فورس تشکیل ڈتی ہے۔
