اسلام آباد ۔ 21ستمبر (اے پی پی) وزیر مملکت بلیغ الرحمن آکھیا ہے جو وفاقی دارالحکومت دیاں ساری سرکاری عمارتاں دا فائر آڈٹ کرایا ویسی۔خمیس کوں قومی اسمبلی اچ اسد عمر اعتراض دے نکتے تے آکھیا جو اسلام آباد اچ بھاہ جیہوجے واقعات دے دوران فائر برگیڈ تے ریس کیو سروس دے چنگے انتظامات کائنی ۔انتظامیہ دی غفلت پاروں عوامی مرکز اچ بھاہ دا حادثہ تھیا ۔اتوار بازار تے عوامی مرکز دے متاثرین کوں معاوضہ ڈتا ونجے تے سول جج دی سربراہی اچ بھاہ جیہوجے واقعات دی چھان بین سانگے کمیٹی بنڑائی ونجے ۔انہاں مطالبلہ کیتا جو فائر آڈت کرا تے کمزوریاں کوں ختم کرنڑ سانگے اقدامات کیتے ونجن ،ایں سارے عمل دی نگرانی سانگے ایوان دی کمیٹی بنڑائی ونجے ایندے جواب اچ وزیر مملکت بلیغ الرحمن اسد عمر دی فائر آڈٹ کراونڑ دے ھوالے نال تجویز نال اتفاق کیتا تے آکھیا جو ساریاں عمارتاں دا فائر آڈٹ کرایا ویسی ۔
