اسلام آباد ۔ 22 ستمبر (اے پی پی) وفاقی وزیر سیفران لیفٹیننٹ جنرل (ر) عبدالقادر بلوچ آکھیا ہے جوگزریل 6مہینے اچ 6لکھ 46ہزار افغان مہاجرین واپس افغانستان پج گے ہن ،سارے ملک اچ 21مرکز تے انہاں پی او آر کارڈز جاری کیتے ویندے پے ہن ۔ایوان بالا اچ سوالاں دے وقفے دے دوران ہک سوال دے جواب اچ وفاقی وزیر سیفران آکھیا جو افغان مہاجرین 1979توں 1982تئیں پاکستان اچ آئے ہن ۔اشرف غنی حکومت اچ آئے تاں افغان مہاجراں دی بحالی سانگے اقدامات کیتے گے ۔ہک وزیراں دی کمیٹی بنڑائی گی ۔یو این ایچ سی آر کمشنر تبدیل تھی گیا ہنڑ نواں آیا ہے ۔200ڈالر دا پیکیج ودھا تے 400ڈالر کر ڈتا گیا جیں دی وجہ توں چھی مہینے اچ چھی لکھ چھتالی ہزار افغان مہاجر واپس گن ۔افغان سفیر وی ایں حوالے نال چنگاں کم کریندے پے ہن ۔
