اسلام آباد ۔ 25 اکتوبر (اے پی پی) قومی اسمبلی دے حلقہ این اے 4 پشاور میں ضمنی انتخاب سانگے پولنگ (اج) خمیس کوں تھیسی۔ پولنگ سویرے8 وجے توں بغیر کہیں وقفے دے شام 5 وجے تئیں جاری رہ ویسی۔ الیکشن کمیشن ولوں حلقے اچ پر امن اتے شفاف انتخابات کراونڑ سانگے ساریاں تیاریاں پوریاں کر گھدیاں گن ۔ حلقے اچ کل ووٹراں دی تعداد 3لکھ 97ہزار 904 ہے جیں سانگے 269پولنگ سٹیشن بنڑائے گے ہن۔ 39 پولنگ سٹیشناںتے الیکٹرانک ووٹنگ مشیناں دا تجربہ وی استعمال کیتا ویسی۔ پولنگ سٹیشن دے اندر اتے باہر پاک فوج دے دستے تعینات ہوسن۔ ضمنی انتخاب اچ کل 15امیدواراں وچال مقابلہ ہے۔ا اصل مقابلہ مسلم لیگ (ن) اتے تحریک انصاف وچال ہوسی۔ جمعیت علمائے اسلام (ف) اتے قومی وطن پارٹی مسلم لیگ (ن) دے امیدواردی حمایت کریندیاں پن ۔ الیکشن کمیشن پولینگ دے دوران کہیں وی شکایت دے اندراج سانگے کنڑول روم قائم کر ڈتا گیا ہے ۔ پولنگ مک ونجنڑ دے ادھے گھنٹے بعد پولنگ سٹیشن دے نتیجے د اعلان کیتا ویسی ۔
