کراچی۔ 14 اکتوبر (اے پی پی) وزیراعظم شاہد خاقان عباسی آکھیا جو ملک اتے عوام دی ترقی اتے خوشحالی سانگے جمہورےت بہوں ضرور ی اے،حکومت نہ صرف 10ہزار میگاواٹ توانائی دے منصوبے شروع کیتےن جڈانجو انہاں کوں ویلھے تے پورا کیتا،توانائی دے بہوں منصوبے تکمیل دے نیڑے ہن ،ہنڑ بجلی وافر مقدار اچ ملدی پئی اے،حکومت اہم اقدامات نال گیس بحران تے قابو پاتا ،آمرےت عوام کوں ڈلیور کرنڑ اچ ہمیشہ ناکام رہی اتے آمرانہ دور اچ کڈاہیں وی ملک دے مستقبل دے فائدے اچ کائنی رہیا۔وزیراعظم اے گالھیں ہفتہ کوں ا پاکستان انٹرنیشنل بلک ٹرمینل لمیٹڈ (پی آئی بی ٹی ایل) دی افتتاحی تقریب توںخطاب کریندیں ہوئیں آکھی۔ پی آئی بی ٹی ملک دا کوئلے، کلنکر اتے سیمنٹ دی نقل و حمل سانگے پہلا ٹرمینل اے جیڑھا جو پور ٹ قاسم تے بنڑایا گئے جئیں تے 285ملین ڈالرلاگت آئی اے اتے ہنڑ تئیں کوئلہ دے 12بحری جہاز لہہ چکین ۔وزیراعظم جمہورےت دے حل اچ فیصلہ ڈیونڑ تے پاکستان دی عوام کوں کریڈٹ ڈیندیں ہوئیں آکھیا جو ترقی دے سفر سانگے جمہوری عمل دا تسلسل ضروری اے۔
