اسلام آباد ۔ 16 اکتوبر (اے پی پی) وزیراعظم شاہد خاقان عباسی نال جمعیت علمائے اسلام (ف) دے ارکان پارلیمان تے مشتمل وفد سنوار کوں وزیراعظم آفس اچ ملاقات کیتی۔وزیراعظم آفس ولوں جاری بیان دے مطابق ملاقات اچ ارکان پارلیمان دے متعلقہ حلقیاں بارے ترقیاتی منصوبیاں تے بئے معاملیاں تے گالھ مہاڑ تھئی۔وزیراعظم ارکان پارلیمان کوں ترقیاتی اتے عوامی فلاحی منصوبیاں تے عملدرآمد اچ وفاقی حکومت دی ہرممکن تعاون دا یقین ڈوایا۔وزیراعظم نال ملاقات کرنڑ آلیاں اچ سینیٹر مولانا عطاءالرحمان، وزیر ہاﺅسنگ و تعمیرات اکرم خان درانی، وزیر پوسٹل سروسز مولانا امیر زمان، ارکان قومی اسمبلی میر عثمان خان بدینی، مولانا آغا محمد جمال الدین، قاری محمد یوسف، مولانا گوہر شاہ،شاہدہ اختر علی، آسیہ ناصر، نعیمہ کشور، عالیہ کامران، سینیٹر صالح شاہ اتے سینیٹر طلحہ محمود شامل ہن۔
