اسلام آباد ۔ یکم نومبر (اے پی پی) صدرمملکت ممنون حسین کوں عمان، ہالینڈ، ماریشیس، فرانس اتے ڈنمارک دے نامزد سفیراں ایوان صدر اچ تقریب اچ آپنڑی سنداں پیش کیتی۔ایں موقع تے سفیراں صدرمملکت ممنون حسین نال انج انج ملاقات وی کیتی۔ایں موقع تے انہاں آکھیا جو پاکستان اچ سرمایہ کاری اتے کاروبار سانگے بھرپور موقع اتے سازگار ماحول موجود اے،غیر ملکی سرمایہ کار مختلف شعبیاں اچ سرمایہ کاری کر تے بھرپور فائدہ چا سگدن۔صدر مملکت آکھیا جو حکومتی اقدامات پاروں پاکستان دی معیشت مسلسل بہتری اتے مثبت رجحانات دی نشاندہی کریندی پئی اے اتے ایں حقیقت کوں بین الاقوامی اداریاں وی منےے۔انہاں نویں عہیدیداران دے پاکستان اچ خوشگوار قیام سانگے نیک خواہشات دا اظہار وی کیتا۔سفارتی سنداں پیش کرنڑ آلیاں اچ شیخ محمد عمر احمد المرہون ، نامزد سفیرِعمان، محترمہ گیرارڈا ایڈریانا کرنیلیا ماریا اسٹوئس برکن ، نامزد سفیر ہالینڈ ، رشیدی سووبیدار، ہائی کمشنر نامزدماریشیس، مارک بارٹی، سفیر نامزدفرانس اتے رولف ایم ہئے پیریرا ہولمبوئی، ڈنمارک دے نامزد سفیر برائے پاکستان شامل ہن۔
