دہشت گردی دے خلاف پوری قوم متحد ہے تے چھیکڑی دہشت گردی دے خاتمے تئیں انہاں دے خلاف اپریشن جاری رہسی ،صدر مملکت ممنون حسین
اسلام آباد ۔ 9 نومبر (اے پی پی) صدر مملکت ممنون حسین کوئٹہ اچ دہشت گرد حملے دی ودھ ساری مذمت کیتی ہے جیں اچ آئی جی حامد شکیل اتے بئے پولیس حکام شہید تھے ہن ۔ صدرمملکت جانی ضیان تے ودھ سارے ڈکھ تے افسو س دا اظہار کیتا ہے تے واقعے اچ شہید تھیونڑ آلے لواحقین نال دلی تعزیت تے انہاں دے بلندی درجات دی دعا وی کیتی ۔صدر مملکت متعلقہ حکام کوں ہدایت کیتی جو حادثے اچ زخمی تھیونڑ آلے لوکاں کوں ہر طبی امداد دیاں سہولتاں ڈتیاں ویسن ۔انہاں آکھیا جو پولیس تے قانون نافذ کرنڑ آلے اداریں دی دہشت گردی دے خلاف قربانیاں کوں سراہیا ۔انہاں آکھیا جو چھیکڑی دہشت گرد دے خاتمے تئیں اپریشن جاری رہ ویسی ۔
