اسلام آباد ۔ 29 نومبر (اے پی پی) ملک اچ جشن عید میلاد النبیدیاں تیاریاں عروج تے ہن۔ عید میلاد النبیبہوں عقیدت تے احترام نال مناونڑ سانگے شہریاں دا جوش و خروش عروج تے پج گیا۔ سیرت پروگرام، نعت دیاں محفلاں تے درود دے انعقاد، چراغاں، خصوصی عبادات دا اہتمام اتے جلوس دے پروگرام بنڑائے گے ہن۔ ایں موقع تے خصوصی نفل انفرادی اتے اجتماعی عبادات دا اہتمام کیتا ویسی ۔ اسلام آبادتے راولپنڈی کوں خوبصورت روشنیاںنال سجا ڈتا گے۔ انہاں تیاریاں دا آغاز یکم ربیع الاول توں تھیا 12 ربیع الاول تئیں جاری رہسی ۔ عید میلاد النبی مناونڑ سانگے مختلف مذہبی جماعتاں ولوں تیاریاں شروع کر ڈتیاں گیاں ہن ،گھراں مسیتاں تے اجتماعی سطح تے ایں ڈینھ کوں عقیدت تے احترام نال مناونڑ سانگے تیاریاں جاری ہن۔ مساجد ۔ میلاد کمیٹیاں جشن عید میلاد النبیدیاں تیاریاں اچ جوش وخروش دے نال مصروف ہن تے ایں مبارک ڈینھ کوں عقیدت اتے احترام دے نال مناونڑ اچ پرعزم ڈکھائی ڈیندیاں ہن ۔
