اسلام آباد ۔ 7 نومبر (اے پی پی) وزیراعظم شاہد خاقان عباسی نے پاک۔چین اقتصادی راہداری توں پیدا تھیونڑ آلے بے پناہ مواقع اتے بھرپور اقتصادی صلاحیت کو ںنشابر کریندے ہوئے آکھیا جو پاکستان دی حکومت ملک اچ منافع بخش کاروباری منصوبے شروع کرنڑ سانگے غیر ملکی سرمایہ کاراں اتے کاروباری برادری کو ں ہر ممکنہ سہولت ڈیونڑ کرنڑسانگے پرعزم اے۔ انھاں اے گالھ بینک آف چائنہ دے چیئرمین چن سائیچنگ نال گالھ کریندے ہوئے آکھی جنھاں منگل کو ںوزیراعظم آفس اچ انھاں نال ملاقات کیتی۔ وزیراعظم نے انھاں کوں پاکستان اچ بینک آف چائنہ دیاں سرگرمیاں دے آغاز تے مبارکباد ڈیندے ہوئے آکھیا جو اے اقدام ڈوہیںملکاں وچال بینکاری روابط کوں ودھاونڑ اچ بہوں چنگا ھوسی
.
