اسلام آباد ۔ 28 نومبر (اے پی پی) قومی احتساب بیورو دے چیئرمین جسٹس جاوید اقبال نیشنل ٹیسٹنگ سروس (این ٹی ایس) دے خلاف کئی واری امتحانی پر چے آﺅٹ تھیونڑ ،مبینہ بد عنوانی تے طالباں دے مفادادت دا تحفظ نہ کرنڑ تے ڈائریکٹر جنرل نیب راولپنڈی کو ںانکوائری دا حکم ڈتا ہئی جیندے حوالے نال چیئر مین نیب وختی طور تے ابتدائی رپورٹ ڈائریکٹر جنرل نیب راولپنڈی توں منگی ہے ۔کیوں جو نیب کوں این ٹی ایس دے خلاف ودھ ساریاں شکایتاں ملیاں ہن ۔جیں کوں کٹھا کرتے انکوائری دا حکم ڈتا گیا ہئی ۔نیب اے وی جائزہ گھنسی جو سرکاری وفاقی تے صوبائی پبلک سروس ہوونڑ دے باوجود این ٹی ایس کوں طلبائ/طالبات دے مختلف امتحان گھننڑ دی اجازت کیں ڈتی ہئی تے این ٹی ایس متعلق رپورٹ دے موجب اے ادارہ طلبا طالبات دے مفادات دے تحفظ اتے انہاں دی محنت دے ضیان کرنڑ دے علاوہ میرٹ اتے شفافیت اپنڑے نظام اچ کیوں یقینی نہ بنڑا سگی ۔جیں دی وجہ نال ذہین تے قابل طلباءتے طالبات دا مستقبل دا تے لگ گے ،انہاں دا پیسہ وی بڈ گے اتے کجھ غریب لوکاں دے لکھاں روپے لٹ گھدن جیں دا کوئی اخلاقی تے قانونی جواز کائناں ہئی ۔
