قائد اعظمؒ دا 142واں جمنڑ ڈینہہ سنوار25 دسمبر کوں منایا ویسی

اسلام آباد ۔ 23 دسمبر (اے پی پی) بانی پاکستان قائد اعظم محمد علی جناح دا جمنڑ ڈینہہ سونوار کوں وڈے جوش اتے جذبے نال منایا ویسی، ایں موقع تے پورے ملک اچ عام چھٹی دا اعلان کیتا گئے۔وزارت اطلاعات اے سال قائداعظم دے جمنڑ ڈینہہ کوں ہمارا قائددے عنوان نال مناونڑ دا فیصلہ کیتے،ایں سانگے خصوصی تقریباں دا وی اہتمام کیتا گئے۔ٹی وی ، ریڈیو اتے اخباراں تے خصوصی پروگرام اتے ضمیمے شائع کیتے ویسن۔تعلیمی اداریاں اچ وی خصوصی تقریباں، سیمینار،مذاکرائے، نمائشاں اتے شو کیتے ویسن۔مزار قائد تے گارڈ دی تبدیلی کیتے روایتی تقریب تھیسی۔اہم سرکاری عمارتاں تے قومی پرچم سر بلند رہسن۔ قائد اعظم محمد علی جناح ؒ اپنڑی سیاسی اتے جمہوری جدوجہد نال برصغیر دے مسلماناں کیتے ہک انجھ وطن دا خواب شرمندہ تعبیر کیتے۔انہاں دیاں خدمتاں کوں پورے ملک ہی نئیں دنیا دے ہر جمہوری معاشرے اچ قدر دی اکھ نال ڈٹھا ویندے۔