اسلام آباد ۔ 6 دسمبر (اے پی پی) وزیراعظم شاہد خاقان عباسی ’ اسلام آباد اتے راولپنڈی اچ چلنڑ آلی میٹرو بس سروس دی منصوبہ بندی،آپریشن تے مینٹینس سانگے کیپٹل ماس ٹرانزٹ اتھارٹی دی منظوری ڈے ڈتی اے۔اے فیصلہ بدھ کوں اتھاں وزیراعظم آفس اچ اسلام آباد میٹرو بس پراجیکٹ بارے اجلاس اچ کیتا گئے جیڑھا جو نویں اسلام آباد ایئرپورٹ دی تعمیر دے بعد جڑوے شہراں دے رہنڑ آلیاں دی سفری سہولتاں سانگے شروع کیتا ویند اپئے ۔اجلاس اچ وزیر مواصلات محمد جنید انوار چوہدری، وزیراعظم دے سیکرٹری، چیئرمین سی ڈی اے انصر شیخ، پنجاب ماس ٹرانزٹ اتھارٹی دے منیجنگ ڈائریکٹر سبطین فضل حلیم، نیشنل ہائی وے اتھارٹی دے چیئرمین شاہد اشرف تارڑ، سیکرٹری خزانہ شاہد محمود اتے بئے سینئر حکام موجود ہن ۔
