اسلام آباد ۔ 21 دسمبر (اے پی پی)پاکستان نیشنل کونسل آف دی آرٹس دے شعبہ اطفال ولوں یومِ قائداعظم سانگے ہفتہ تقریبات دے پہلے ڈینہہ پی این سی اے آڈیٹوریم اچ راولپنڈی، اسلام آباد دے سکول و کالجزدے بالاں اچ ”قائدِاعظم“دے موضوع تے تقریری مقابلہ تھئے۔انہاں تقریباں دا مقصد نوجوان نسل کوں بابائے قوم دی عملی زندگی، جدوجہد اتے پاکستان کےتے قربانیاں بارے ڈساونر اے۔تقریراں اچ بالاں بابائے قوم کوں خراج عقیدت پیش کریندے ہوئے اُنہاں دی جدو جہد، محبت ، حوصلہ اتے حیاتی دا جائزہ گھدے۔ محمد علی جناح جیہڑے پاکستان دا خواب ڈٹھا ہا ،آپنڑی سنگت کوں وی اوں خواب اتے مقصد کوں پورا کرنڑ دی ہدایت کیتی۔ بابائے قوم دے اصُول اتے عمل کوں آپنڑے کیتے منزل بنڑاونڑتے زور ڈتے۔بالاں جوش طریقے نال قائددی جدوجہد کوں اگونہاکیتے۔انہاں مقابلیاں اچ پہلی پوزیشن اسلام آباد ماڈل سکول فار گرلزG-8/2دے سیپ مہدی ،ڈوجھی کوالٹی سکول راولپنڈی دی حرا علی اتے تریجھی پوزیشن بحریہ فاﺅنڈیشن کالج راولپنڈی دے محمد عبد اللہ گھدی۔ کنسلٹیشن پرائز اسلام آباد سکول ماڈل سکول فار گرلز ، I-9/1 دی مس نایاب علی کوں ملیے۔ایں سانگے 22 دسمبر، 2017ءکوں ٹیبلو مقابلے جڈاں جو 23 دسمبر کوں ملی نغمیاں دا مقابلہ تھیسی اتے 25 دسمبر کوں میگا شو اچ انہاں مقابلیاں اچ انعام گھنڑ آلے بال آپنڑے فن دا مظاہرہ کریسن۔
