دمام ۔ 23 جنوری (اے پی پی) سعودی حکام منشیات دی سمگلنگ داالزام ثابت تھیونڑ تے ڈو سعودی شہریاں ذکریا اتے حسین دا سر قلم کرتے نشان عبرت بنڑا ڈتا۔ سعودی عرب دے ذرائع ابلاغ دے مطابق وزارت داخلہ ولوں جاری رپورٹ اچ آکھیا گے جو مقامی شہری ذکریا بن سعید ال فریج اتے حسین بن احمد الہویشل حشیش اتے ممنوعہ نشہ آور گولیاں سمگل کریندے ہوئیں پکڑیے گے ہن ۔ڈوہیں عدالت اچ اقبال جرم کر گھد ا ہئی ۔ عدالت دے ججاںانہاں کوں عبرت دا نشان بنڑاونڑ کیتے موت دی سزا سنڑائی ہئی جیں دی توثیق اپیل کورٹ تے ولا سپریم کورٹ وی کر ڈتی ہئی ۔ ایوان شاہی عدالتی فیصلے تے عملدرآمد دا حکم نامہ جاری کر ڈتا ہئی۔ ڈوہیں دادمام اچ سر قلم کر ڈتا گیا ۔
