ڈیووس ۔ 25 جنوری (اے پی پی) وزیر مملکت اطلاعات، نشریات، قومی تاریخ و ادبی ورثہ مریم اورنگزیب آکھیے جو وزیراعظم شاہد خاقان عباسی ڈیووس اچ پاکستان دی تاریخی نمائندگی کیتی اے۔ ہک ٹی وی چینل نال گال بات کریندے ہوئیں وزیر مملکت آکھیا جو وزیراعظم ڈیووس اچ اہم عالمی تجارتی اداریں دے سربراہیں نال ملاقاتاں کیتیاں جیں اچ پاکستان اچ سرمایہ کاری تے سیر گفتگو کیتی گی ۔ مریم اورنگزیب آکھیا جو سی پیک دی صورت اچ پاکستان اچ سرمایہ کاری آندی پئی اے ،خطے دے ملک سی پیک توں مستفید تھیونڑ چاہندن ،معاشی طور تے ابھردا ہوویا پاکستان دنیا کیتے ہک مثال اے ۔انہاں آکھیا جو ڈیووس اچ پاکستانی تریمتاں نمائندگی کیتی ہے جیں دی تعریف کیتی گی اے ۔ وزیر مملکت آکھیا جو عالمی اقتصادی فورم اچ پاکستان دی تاریخی نمائندگی ہے، دنیا پاکستان کوں ہک ابھردی ہوئی مارکیٹ دے طور تے منیندی پئی اے ۔ وزیر مملکت آکھیا جو سی پیک پورے خطے کیتے سانجھی خوشحالی دا منصوبہ اے۔ انہاں آکھیا جو ایں موقع تے وزیراعظم شاہد خاقان عباسی نال بل گیٹس، ایشیائی انفراسٹرکچر انوسٹمنٹ بینک، اوبر، سیمنز، مٹسوبشی کارپوریشن سمیت مختلف بین الاقوامی اداریں دے سربراہیں ملاقاتاں کیتیاں۔ انہاں ملاقاتاں دا بنیادی مقصد پاکستان اچ سرمایہ کاری دا ودھارا اے۔ وزیر مملکت آکھیا جو پاکستان اچ امن و امان دی صورتحال بہتر تھیندی پئی اے ،معاشی طو ر تے پاکستان ہک ابھردا ہویا ملک اے ،سی پیک دے ذریعے غیر ملکی سرمایہ کاری پاکستان اچ آندی پئی اے ، ملک اچ انفراسٹرکچر دی مضبوطی اتے ترقی دے مختلف منصوبیں تے کم تھیندا پے ایں حوالے نال پاکستان دنیا کیتے ہک مثال اے۔ وزیر مملکت آکھیے جو ون بیلٹ ون روڈ امپیکٹ سیشن اچ ملکاں ودھ ساری دلچسپی گھدی اے۔ انہاں آکھیا جو اج ملک اچ تجارتی سرگرمیاں دی بحالی سابق وزیراعظم محمد نواز شریف دے وژن دا ثمر اے۔ وزیر مملکت آکھیا جوبل گیٹس دی وزیراعظم شاہد خاقان عباسی دے ملاقات اچ شعبہ صحت دے حوالے نال مختلف پہلوواں تے گال بات تھی جیں اچ وزیراعظم ہیلتھ پروگرام، یونیورسل ہیلتھ کوریج اتے پولیو دے خاتمے سمیت مختلف امور تے تفصیل نال گال بات تھی ۔ بل گیٹس شعبہ صحت اچ بہتری دے حوالے نال پاکستان دے اقدامات دی تعریف کیتی اے۔ وزیر مملکت آکھیا جو ساری دنیا توں آئے مختلف ملکاں دے وفداں دے مقابلے اچ پاکستان دے وفد اچ تریمتاں دی نمائندگی ساریںتوں ودھ ہئی ۔
