اسلام آباد۔ 19 جنوری (اے پی پی) وزیر مملکت توانائی عابد شیر علی آکھیا جو جیں فیڈر تے لائن لاسز 10 فیصد توں ودھ ہوسن اتھاں لوڈشیڈنگ تھیسی ‘ بجلی دے بقایا جات سوکھیاں شرطاں تے مہینے دیا ں قسطاں تے ادا کرنڑ دی سہولت ڈتی ونج سگدی اے بقایاجات معاف کائناں تھسین ۔جمعے کوں قومی اسمبلی اچ سوالاں دے وقفے دے دوران نسیمہ حفیظ پانیزئی دے سوال دے جواب اچ وزیر مملکت توانائی ڈویژن عابد شیر علی ڈسایا جو جیں فیڈر تے ڈا فیصد توں ودھ لاسز ہوسن اتھاں لوڈشیڈنگ تھیسی ۔ بلوچستان اچ سمارٹ میٹرنگ اچ کجھ مسئلے ہن ۔ حکومت بجلی چوری کوں روکنڑ تے ضیان کوں گھٹ کرنڑ ،بقائیں دی وصولی،بجلی دی صورت حال تے اقدامات کریندی پئی اے۔
