لاہور ۔ 2 فروری (اے پی پی) وزیراعظم شاہد خاقان عباسی آکھیے جو ملک اچ فن تعمیر دا مستقبل روشن اے،تعمیراتی ورثے دے تحفظ اتے بحالی تے توجہ دی لوڑھ اے،معیار، شفافیت اتے کم دی رفتار تے کوئی رعایت نہ ڈتی ویسی۔لاہور اچ ”بلڈنگ میٹریل اےنڈ پروڈکٹس ایکسپو 2018ئ“ دی افتتاحی تقریب نال خطاب اچ وزیراعظم دا آکھنڑہا جوفن تعمیر ملک دی تعمیر و ترقی اچ اہم کردار ادا کیتے،سیاحت دا ودھارا ایندی جیندی جاگدی مثال اے،اے ساڈی ذمہ واری اے جو عمارتاں دی تعمیر اچ معیار، شفافیت اتے کم دی رفتار سانگے عالمی قوانین کوں سامنڑے رکھیا ونجے۔انہاں آکھیے جو پبلک بلڈنگز،پارکس،سٹرکیں ،ہائی ویز آرکیٹیکچرز دا بہترین نمونہ ہین ایندے تے بئی توجہ دی لوڑھ اے۔وزیراعظم آکھیے جو سالہا سال توں تعمیرات دے باوجود آرکیٹیکچرز تےکوئی توجہ نئیں ڈتی گئی۔شاہد خاقان عباسی آکھیے جو مستقبل اچ فن تعمیر دے شعبے اچ بہوں ترقی تھیسی، ملک اچ چنگیاں تعمیرات ڈیکھنڑ کوں ملسن، ایں سانگے پاکستان اچ آرکیٹیکچرزدا مستقبل بیا چنگا تھیسی۔اخیر تے چیئرمین انسٹیٹیوٹ آف آرکیٹیکٹس پاکستان یوسف غوری وزیراعظم شاہد خاقان عباسی کوں سوینئر پےش کیتے۔
