اسلام آباد ۔ یکم مارچ (اے پی پی) وزیر داخلہ پروفیسراحسن اقبال آکھیے جو پولیس جدید دور دے تقاضیں نال خود کوں رلاوے ،اسلام آباد پولیس کوں نہ صرف پورے ملک بلکہ خطے سانگے مثال بنڑایا ویسی ،کوئی کتنا ہی طاقت ور کیوں نہ ہووے قانون توں بالاتر نی ہوونڑاں چاہیدا،، محض جدید آلات تے کمپیوٹرزدی فراہمی نال کائناں رویے بدلنڑ نال پولیس صحیح معنیں اچ مثالی پولیس بنڑسی۔ خمیس کوں تھانڑاں سیکرٹریٹ اچ ماڈل تھانڑیں دے افتتاح دے موقع تے منعقدہ تقریب نال خطاب کریندے ہوئیں وزیر داخلہ آکھیا جو ترائے سال پہلے وزارت منصوبہ بندی و ترقی دے وزیر دی حیثیت نال ہدایت کیتی ہئی جو ماڈل پولیس کوں سٹیشن بنڑائے ونجن جیرھا جو ملک سانگے ہک مثال ثابت تھیون ۔بد قسمتی نال اے کم تاخیر دا شکار تھیا ۔میں وزار ت داخلہ دا چارج گھندے ہی ایں منصوبے کوں پورا کرنڑ دی ہدایت کیتی تے اج ایں وژن دی تکمیل تھی اے جیں تے اسلام آباد کوں مبارخ ڈینداں ۔ انہاں آکھیا موجودہ دنیا ٹیکنالوجی تے ڈیجیٹل انقلاب دی دنیا اے، اساکوں نویں دورے دے تقاضیں نال خود کوں رلاونڑاں ہوسی کیوں جو ٹیکنالوجی دنیا کوں بدلیندی پئی اے ایں سانگے اساکوں وی خود کوں بدالنڑ دی ضرورت اے ۔ انہاں اسلام آباد پولیس کوں سمارٹ پولیس بنڑاونڑ دی ہدایت کریندے ہوئیں اسلام آباد پولیس کوں جدید ٹیکنالوجی نال لیس کیتا ویسی تے اے نہ صرف باقی ملک بلکہ خطے سانگے مثال ہوسی ۔
