اسلام آباد ۔25 مارچ (اے پی پی)وزیر اعظم شاہد خاقان عباسی آکھے جوملک اچ پی ایس ایل دے کامیاب انعقاد اتے ایندے اچ بھرپور شرکت تے پوری قوم کوں مبارخباد پیش کریندا ہاں،مسلم لیگ ن دی حکومت قائد محمد نواز شریف دے وعدے اتے ویژن دے تحت قوم دیاں خوشیاں اینکوں واپس ڈیندی پئی ہے۔اتوار کوں وزیر اعظم آفس توںجاری پیغام دے مطابق انھاں آکھیا جو ملکی معیشت دی بحالی، امن دا قیام اتے کھیڈاں دا فروغ حکومتی کارکردگی دا منہ بولدا ثبوت ہے۔وزیراعظم آکھیا جو مسلم لیگ ن دی حکومت ہمیشہ ملک کوں اندھاراں توں کڈھ تے روشنیاں نال چمکائے۔کراچی اچ پی ایس ایل دے فائنل دا انعقادایں شہر بے مثال دی عالمی سنجانڑاچ تبدیلی گھن آوسی۔انھاں آکھیا جو کراچی دا امن اتے خوشیاں دی بحالی سانگے سابق وزیراعظم محمد نواز شریف دے ویژن،صوبائی حکومت دے تعاون،پاکستان دی مسلح افواج، پولیس اتے قنون نافذ کرنڑ آلے ادرایاں دا اہم کردار شامل ہے۔وزیر اعظم شاہد خاقان عباسی آکھیا جو پی ایس ایل پوری قوم کوں ہک نواں جذبہ اتے خوشی ڈتی ہے،حکومت انہاں خوشیاں کوں وھاونڑ سانگے وڈے جذبے اتے نیک نیتی نال کم کریندی راہسی۔
