بیت المقدس کوں اسرائیل دا دارالحکومت تسلیم کرنڑ اتے سفارت خانے دی منتقلی بین الاقوامی قوانین دی خلاف ورزی اے،پاکستان عرب اسرائیل تنازعے دا پر امن حل چاہندے، صدر مملکت ممنون حسین دی سبکدوش تھیونڑ آلے فلسطینی سفیر ولید اے ایم ابو علی نال ملاقات اچ گالھ مہاڑ
اسلام آباد ۔ 13 اپریل (اے پی پی) صدر مملکت ممنون حسین آکھیا جو بیت المقدس کوں اسرائیل دا دارالحکومت تسلیم کرنڑ اتے سفارت خانے دی منتقلی بین الاقوامی قوانین دی خلاف ورزی اے،پاکستان عرب اسرائیل تنازعے دا پر امن حل چاہندے،۔انہاں اےگالھ فلسطینی سفیر ولید اے ایم ابو علی نال ملاقات اچ گالھ مہاڑ کریندیں ہوئیں آکھی جنہاں جمعہ کوں ایوان صدر اچ انہاں نال الوداعی ملاقات کیتی۔صدرمملکت آکھیا جو ڈوہیں ملکاں اچ برادرانہ تعلقات مذہب،ثقافت اتے اقتدار دی بنیاد تے قائم اے۔انہاں 30مارچ کوں غزہ تے اسرائیلی حملے نال قیمتی جاناں دے ضیان تے افسوس کریندیں ہوئیں آکھیا جو نہتے فلسطینیاں تے اسرائیلی حملے بین الاقوامی قوانین دی ؒخلاف ورزی اے۔
