اسلام آباد ۔ 7 اپریل (اے پی پی) وزیر اعظم شاہد خاقان عباسی آکھیا جو افغان صدر اشرف غنی نال ملاقات بد اعتمادی دی فضاءدور کرنڑ اچ مدد ڈتی ہے ، دورہ پاک افغان ڈو طرفہ گانڈھے اتے خطے اچ امن کیتے اہم سنگ میل ثابت تھیسی ، چھنڑ چھنڑ کوں خاران اچ خضدار،شاہداد کوٹ روڈ دی افتتاحی تقریب دے بعد اخبار نویساں نال گالھ مہاڑ کریندے ہوئیں وزیر اعظم آکھیا جو افغان صدر اشرف غنی اتے افغان چیف ایگزیکٹیو عبداللہ عبداللہ،حزب اسلامی افغانستان دے سربراہ گلبدین حکمتیار اتے بیاں نال وی ملاقاتاں چنگیاں ریہاں ہن اتے سارے معاملیاں اُتے کھل تے گالھ مہاڑ تھئی ہے اتے ایں گالھ اُتے اتفاق تھئے جو افغان مسئلے دا کئی فوجی حل کائنی ۔ وزیر اعظم آکھیا جو ہنڑ ڈوہائیں ملکاں دیاں قیادتاں کوں اتے ثابت کرنڑاں ہوسی جو او خطے دی خوشحالی اتے عوام دے نال کتنے مخلص ہن ۔ وزیر اعطم آکھیا جو افغانستان اچ امن تے استحکام پاکستان کیتے لازمی ہے ۔ اتے افغانستان اچ امن تے استحکام سانگے رل تے کم کرنڑ دی لوڑ ہے ۔ وزیر اعظم آکھیا جو افغان رل بیھ تے ایں مسلے کوںحل کرنڑ اساں مدد سانگے تیار ہئیں ۔
