اسلام آباد ۔ 9 اپریل (اے پی پی) وفاقی وزیر داخلہ، منصوبہ بندی، ترقی و اصلاحات پروفیسر احسن اقبال آکھے جو سی پیک پاکستان اتے چین دوستی کوں نویاں بلدیاں اُتے پجا ڈتے ، سی پیک پاکستان دی معیشت کیتے آکسیجن ہے، توانائی اتے انفراسٹرکچر اچ سرمایہ کاری معیشت اچ ودھارا پیدا کیتے ، سی پیک دی کامیابی کیتے ملک اچ اتفاق رائے ہے،ساریاں جماعتاں اتے صوبائی حکومتاں سی پیک دی بھرپور حمایت کریندیاںہن ۔ اے گالہیں انہاں باو فورم نال خطاب کریندے ہوئیں کیتا۔ وفاقی وزیر آکھیا جو انفراسٹرکچر منصوبیاں دے نال عوامی مفاد دے منصوبے وی شروع کیتے گئے ہن ۔ پاکستان 2025ءوژن اچ ترقی محض سرمایہ دی افزائش دا ناں کائنی ایندا ہدف غربت دا خاتمہ ہے۔ احسن اقبال آکھیا جو سی پیک منصوبیاں توانائی دے بحران اُتے قابو پاونڑ اچ مدد ڈتی ہے ۔ بجلی دی فراہمی نال صنعتی پیداوار اچ ودھارا تھئے ۔ روزگار پیدا تھیندا پئے ، سی پیک دے ذریعہ پاکستان دے پسماندہ علاقیاں کوں ترقی دے نال جوڑیا ویندا پئے ۔ انہاں آکھیا جو گوادر بندرگاہ ایشیا دی صف اول دی بندرگاہ بنڑ تے ابھرسی ۔
