اسلام آباد ۔ 3 اپریل (اے پی پی) وزیراعظم شاہد خاقان عباسی آکھے جو بیورو کریسی کوں ریاست دی ریڑھ دی ہڈی ہونڑ دے ناں تے مو ¿ثر ریاستی انتظام اتے چنگی فیصلہ سازی کیتے تیزی نال وٹیندے ہوئے دنیا دے نویں حقائق اپناونڑیں چاہیدن، تکنیکی نوعیت دے اوکھے مسلے خاص تربیت اتے اجوکے چیلنجاں نال نبڑنڑ سانگے ٹیکنالوجی دے استعمال دی لوڑ ہے ۔ انہاں اے گالہیں منگل کوں اتھاں وزیراعظم دفتر اچ نیشنل سکول آف پبلک پالیسی دے 108ویں نیشنل مینجمنٹ کورس دے شرکاءنال گالھ مہاڑ کریندے ہوئیں آکھیاں۔ وزیراعظم آکھیا جو پاکستان کوں وڈے چیلنجاں دا سامنڑاں ہے جنہاں ا چ اقتصادی مسلے ، سیکورٹی دے چیلنج اتے سماجی تے اقتصادی ترقی بارے معاملے شامل ہن ۔ انہاں آکھیا جو 18ویں ترمیم دے تحت اختیارات دی منتقلی دے بعد خدمت دی بہتر فراہمی اتے بہتر نظم و نسق کوں یقینی بنڑاونڑ دے چیلنج ودھ گئے ہن ۔ وزیراعظم آکھیا جو بیورو کریسی کوں انہاں چیلنجاں اتے خاص طور تے صوبائی سطح تے انہاں دا حل گولنڑ کیتے آپنڑاں کردار ادا کرنڑاں چاہیدے ۔ وزیراعظم آکھیا جو انسداد دہشت گردی ہک مسلسل کوشش ہے ،پاکستان او واحد ملک ہے جئیں وڈیاں قربانیاں دے نتیجے اچ دہشت گردی کوں ہرایا ہے ۔
