اسلام آباد ۔ 27 اپریل (اے پی پی) وفاقی وزیر خزانہ مفتاح اسماعیل جمعہ کوں وفاقی بجٹ2018-19ءقومی اسمبلی اچ پیش کیتا۔ بجٹ 2018-19ءدے میزانیے دے نمایاں خدوخال ایہ ہن۔
(الف) 2018-19ءدے میزانیہ دا کل حجم 5932.5 ارب روپے ہے جیرھا جو 2017-18ءدے میزانیہ دے کل حجم توں 16.2 فیصد ودھ ہے۔
(ب) 2018-19ءدے دوران وسائل دی دستیابی دا تخمینہ 4917.2 ارب روپے ہے جڈانجو 2017-18ءدے دوران وسائل دی دستیابی دا تخمینہ 4713.7 ارب روپے ہا۔
(ج) 2018-19ءسانگے قطعی مالیاتی وصولیات دا تخمینہ 3070.4 ارب روپے ہے جیرھا جو 2017-18ءسانگے قطعی مالیاتی وصولیاںتوں 4.9 فیصد ودھارے کوں ظاہر کریندے۔
(د) 2018-19ءدے میزانیہ اچ وفاقی مالیاتی وصولیاں اچ صوبائی حصے دا تخمینہ 2590.1 ارب روپے ہے جیرھاجو 2017-18ءدے میزانیہ دے تخمینہ توں 8.6 فیصد ودھ ہے۔
(ہ) 2018-19ئسانگے قطعی سرمایہ جاتی وصولیاں داتخمینہ 443.1 ارب روپے ہے جڈانجوجو 2017-18ءسانگے قطعی سرمایہ جاتی وصولیاں دے تخمینہ 552.5 ارب روپے ہا۔ا یہ 19.8 فیصد دی گھٹکی کوں ظاہر کریندے۔
(د) 2018-19ءدوران بیرونی وصولیاں دا تخمینہ 111.8 ارب روپے لاتا گئے جیرھا جو 2017-18ءدے مقابلے اچ 33.4 فیصد ودھارے کوں ظاہر کریندے۔
(ز) 2018-19ءسانگے کل اخراجات دا تخمینہ 5932.5 ارب روپے لاتا گئے۔
(ح) 2018-19ئ دے دوران کل میزانیاتی حجم اچ جاری خرچیاں اتے ترقیاتی اخراجات دا حصہ 2018-19ئ دے میزانیہ اچ بالترتیب 80.6 فیصد اتے 19.4 فیصد ہے۔
(ط) عمومی سرکاری خدمات دے خرچیاں دا تخمینہ 3340.4 ارب روپے ہے جیرھا جو جاری خرچیاں دا 69.9 فیصد ہے۔
(ی) پبلک سیکٹر ڈویلپمنٹ پروگرام دے علاوہ 2018-19ءاچ بئے ترقیاتی خرچیاں سانگے 180.2 ارب روپے دا تخمینہ ہے۔
(ک) 2018-19ئ اچ پبلک سیکٹر ڈویلپمنٹ پروگرام (پی ایس ڈی پی) داحجم 1650 ارب روپے ہے جیندے اچ 850 ارب روپے صوبیاں سانگے رکھے گن مختص اتے800 ارب روپے وفاقی پی ایس ڈی پی سانگے ہن۔
