اسلام آباد ۔ 30 مئی (اے پی پی) الیکشن کمیشن پنجاب دے کجھ ضلعیاں اچ ڈسٹرکٹ ریٹرننگ آفیسر اتے ریٹرننگ آفیسر کوں ٹرانسپورٹ اتے سیکیورٹی نہ ملنڑ تے ناراضگی دا اظہار کیتے اتے چیف سیکرٹری پنجاب توں 24 گھنٹے اچ رپورٹ منگی اے۔الیکشن کمیشن دے عام انتخابات 2018ءدیان تیاریان بارے جائزہ اجلاس اچ16 مئی 2018ءکوں سارے صوبیاں دے چیف سیکرٹریاں کوں لکھیے گئے خط اچ ڈی آر او اتے آر اوز کوں ضروری سہولیات دی ہدایت کیتی گئی ہئی جیندے اچ ٹرانسپورٹ‘ سیکیورٹی‘ حساس پولنگ سٹیشناں تے سی سی ٹی وی کیمرے ڈیونر لازم ہا۔ایں سانگے پتا لگے جو پنجاب دے کجھ ضلعیاں اچ ایندے تے عمل نئیں کیتا گیا،جیندے تے الیکشن کمیشن رپورتٹ منگ گھدی اے جڈاں جو باقی صوبیاں الیکشن کمیشن دی ہدایت دے مطابق ساریاں سہولتاں پوریاں کیتن۔
