اسلام آباد۔ 24 مئی(اے پی پی)وزیر مملکت خزانہ رانا محمد افضل آکھیا جو ورکرز ویلفیئر فنڈ دی مد اچ 10 ارب 83 کروڑ روپے دی وصولی تھی اے ۔ خمیس کوں قومی اسمبلی اچ غلام سرور خان دے ورکر ویلفیئر فنڈ (ڈبلیو ڈبلیو ایف) جاری نہ کیتے ونجنڑ متعلق توجہ کراﺅ نوٹس دا جواب ڈیندے ہوئیں رانامحمد افضل آکھیا جو ورکرویلفیئر فنڈ دی مد اچ 10ارب 83کروڑ روپے دی وصولی تھی اے جڈاں جو ایں حوالے نال جاری تھیونڑ آلی رقم ودھ اے ۔ایندی وجہ توں اوکھ دا سامنڑاں اے ہک بئے سوال دے جواب اچ انہاں آکھیا جو اے فنڈ مزدوراں دی ویلفیئر دا فنڈ اے ۔ایندے اچ ڈیتھ تے میرج گرانٹ سانگے وی رقم رکھی ایندی اے ۔انہاں آکھیا جو ادارہ آندے سال بہتر بجٹ گھن آوے تاں انہاں کوں رقم ڈے ڈتی ویسی ۔ اساں ڈے ڈبلیو ڈبلیو ایف دی کوئی زیر التواءدرخواست کائنی۔ درخواست آوے تاں غور کیتا ونج سگدے ۔ ایندے علاوہ غلام سرور خان توجہ کراﺅ نوٹس تے ڈسایا جو غریب مزدوران کوں اوکھ دا سامنڑاں اے ۔وزیر مملکت خزانہ آکھیا جو اجوکے سال وی ڈو ارب روپے ودھ دی ادائیگی کیتی اے۔ حکومت ڈے ڈبلیو ڈبلیو ایف دے 110 ارب روپے جمع ہن۔ اجوکے سال ایں ادارے دیاں ادائیگیاں 10 ارب 90 کروڑتوں ودھ ہن۔
