وزیراعظم شاہد خاقان عباسی دی کرنل سہیل عابد شہید دے گھر ونج کراہیں انہاں دے ٹبر نال تعزیت،لواحقین سانگے صبر دی دعا کیتی،شہید دے درجات دی بلندی اتے انہاں دی روح دے ایصال ثواب سانگے فاتحہ پڑھی،،کرنل سہیل عابد شہیدجیہے بہادر پتر پوری قوم دا فخر ہن ،وزیراعظم شاہد خاقان عباسی
اسلام آباد ۔ 21 مئی (اے پی پی) وزیراعظم شاہد خاقان عباسی سنوار کوں کرنل سہیل عابد شہید دے گھر ونج کراہیں انہاں دے ٹبر نال تعزیت،لواحقین سانگے صبر دی دعا کیتی۔انہاں د دے درجات دی بلندی اتے انہاں دی روح دے ایصال ثواب سانگے فاتحہ پڑھی۔ایں موقع تے انہاں آکھیا جو وطن عزیز کوں دہشت گردی توں پاک کرنڑ سانگے پاک فوج دی تریخ لازوال قربانیاں نال بھری پئی اے۔انہاں آکھیا جو کرنل سہیل عابد شہیدجیہے بہادر پتر پوری قوم دا فخر ہن۔انہاں آکھیا جو کرنل سہیل عابد شہید دا ناں مادر وطن دے دفاع اچ جرات اتے بہادری دی لازوال داستاناں رقم کرنڑ آلی قوم دے بہادر سپوتاں دے نال سنہیرے لفظیں اچ لکھیا ویسی۔
