اسلام آباد ۔ 21 جولائی (اے پی پی) چیئرمین سینٹ صادق سنجرانی چیئرمین پی ٹی اے کوں ہدایت کیتی ہے جو بلوچستان دے 6 ضلعیاں اچ انٹرنیٹ دی معطل کیتی گئی سروس بحال کیتی ونجے۔ ہفتہ کوں سینٹ اجلاس دوران ملک اچ موجودہ امن و امان اتے سیاسی صورتحال بارے تحریک تے بحث دوران اراکاناں نشاندہی کیتی جو بلوچستان دے چھی ضلعیاں اچ انٹرنیٹ سروس معطل ہے جیندی وجہ نال انتخابی مہم متاثر تھیندی پی ہے۔ چیئرمین سینٹ چیئرمین پی ٹی اے کوں انہاں ضلعیاں اچ انٹرنیٹ سروس بحال کرنڑ دی ہدایت کیتی ہے.
