خارجہ پالیسی اچ اساڈی ترجیحات دا محور پاکستان اتے ایندے مفادات ہوسن، افغانستان اچ امن و استحکام پاکستان اچ امن دی ضمانت ہے، بھارت دے نال کشمیر سمیت پرانڑیں مسلیں دے حل کیتے گال مہاڑ دے علاوہ اگی تے ودھنڑ دا کوئی رستہ کائنی ، امریکا دی ترجیحات تے تحفظات کوں سامنڑے رکھیندے ہوئیں ڈو ٹوک گال کریسوں وزیر اعظم عمران خان کوں بھارتی وزیراعظم دے مبارخ باد دے خط دا خیرمقدم کریندوں وزیر خارجہ شاہ محمود قریشی دی وزارت دا قلمدان سنبھالنڑ دے بعد پریس کانفرنس

اسلام آباد ۔ 20 اگست (اے پی پی) وزیر خارجہ شاہ محمود قریشی آکھیے خارجہ پالیسی اچ اساڈی ترجیحات دا محور پاکستان اتے ایندے مفادات ہوسن ، عوام دی بہتری سانگے اقتصادی سفارتکاری کوں بروئے کار لایا ویسی،خارجہ امور تے اتفاق رائے کوں ترجیح ڈتی ویسی ،ایں سلسلے اچ قائد حزب اختلاف دیاں وڈیاں جماعتاں کوں وی مشاورت دی دعوت ڈتی ویسی ۔ افغانستان اچ امن و استحکام پاکستان اچ امن دی ضمانت ہے، بھارت دے نال کشمیر سمیت پرانڑیں مسلیں دے حل کیتے گال مہاڑ دے علاوہ اگی تے ودھنڑ دا کوئی رستہ کائنی ، امریکا دی ترجیحات تے تحفظات کوں سامنڑے رکھیندے ہوئیں ڈو ٹوک گال کریسوں ۔او سنوار کوں اتھاں وزات خارجہ دا قلمدان سنبھالنڑ دے بعد پریس کانفرنس نال خطاب کریندے پے ہن ۔انہاں آکھیا جو عوام کوں پیغام ڈیونڑ چاہنداں جو اساڈی خارجہ پالیسی دا آغاز وی پاکستان ہے تے اختتام وی پاکستان ہے ،اساں کیتے پاکستان دے مفادات ساریں توں افضل ہن ۔انہاں آکھیا ملک دی خارجہ پالیسی دا از سر نو جائزہ گھدا ویسی تے جتھاں ضرورت محسوس تھی اتھاں درستگی کیتی ویسی ۔وزیر خارجہ آکھیا جو وزیراعظم عمران خان دی ترجیحات تے سوچ دا محور عام شہری ہن ،تے انہاں دی زندگی اچ بہتری گھن آونڑ حکومت دی ترجیح ہے ۔انہاں آکھیا جو چیلنج بہوں سارے ہن تے اساکوں پتہ وی ہے انہاں چیلنج تے قابو پاونڑ سانگے اساڈی حکومت دا پکا ارادہ ہے ۔کجھ طاقتاں پاکستان کوں دھکا ڈیونڑ دی کوشش کریندیاں پن ایندی ہک وجہ اے وی ہے جو ساڈھے چار سال تئیں پاکستان دا وزیر خارجہ کائناں ہئی جیرھا جو ملک دا چہرہ ہوندے