اسلام آباد ۔ 6 اگست (اے پی پی) چیئرمین تحریک انصاف عمران خان اعلان کیتے جو او وزیراعظم بنڑن توں بعد برطانیہ آلی کارہر ہفتے ہک گھنٹہ عوام کوں ڈیسن اتے انہاں دے سوالاں دے جواب ڈیسن۔اے گالھ انہاں اسلام آباد اچ پارلیمانی پارٹی دے اجلاس اچ نومنتخب ارکان قومی اسمبلی نال خطاب اچ آکھی۔ انہاں دا آکھنڑ ہا جو لوکاں کوں ساڈے توں بہوں توقعات ہین،عوام ساڈا طرز سیاست اتے کردارڈیکھسن اتے ایندے مطابق فوری رد عمل وی ڈیسن، میں آپ ہک مثال بنڑساں اتے تہاکوںوی ہک مثال بنڑن دا آکھساں۔ انہاں آکھیا جو میں وزیراعظم بنڑن توں بعد برطانیہ آلی کارہر ہفتے ہک گھنٹہ عوام کوں ڈیساں اتے انہاں دے سوالاں دے جواب ڈیساں،وفاقی وزیر وی عوام کوں جوابدہ ہوسن۔
