اسلام آباد ۔ 16 اگست (اے پی پی) پاکستان اچ تعینات چین دے سفیر یاﺅ جنگ پاکستان تحریک انصاف دے نائب چیئرمین شاہ محمود قریشی نال ملاقات کیتی اتے انتخابات اچ کامیابی اُتے مبارخ ڈتی ۔ پاکستان تحریک انصاف دے میڈیا ڈیپارٹمنٹ ولوں جاری بیان دے مطابق چینی سفیر تحریک انصاف دی حکومت کیتے نیک تمناواں اتے خواہشات دا اظہار کیتا۔ انہاں شاہ محمود قریشی نال پاک چین تعلقات اتے آپسی دلچسپی دے امور اُتے تفصیلی دا گالھ مہا ڑکیتی ۔ چینی سفیر آکھیا جو پاک چین تعلقات ڈھاکیاں اُتے محیط ہن ، ڈوہائیں ملکاں دے گانڈھے اچ گرمجوشی اتے قربت پاتی ویندی ہے ۔ انہاں آکھیا جو چینی قیادت پاکستان اچ قائم تھیونڑ آ لی نویں حکومت دے نال قریبی گانڈھا چاہندی ہے ۔ انہاں آکھیا جو چینی وزیر اعظم آپ عمران خان نال گالھ کرنڑاں چاہسن ، اتے چینی وزیر اعظم 20 اگست کو ںچیئرمین تحریک انصاف کو ںٹیلی فون کرتے مبارخ ڈیسن ۔ انہاں آکھیا جو ڈوہائیں اگوانڑاں وچال گالھ مہاڑ ڈو طرفہ امور اُتے وڈ طرفہ اموراُتے تبادلہ خیال کیتا ویسی ۔ شاہ محمود قریشی ایں موقعے تے نیک تمناوا ں اُتے اظہار کرنڑ اُتے چینی سفیر دا شکریہ ادا کیتا۔
