اسلام آباد ۔ 16 اگست (اے پی پی) نیلم جہلم ہائیڈرو پاور پراجیکٹ نال بجلی دی پیداوار سسٹم اچ داخل تھیونڑ دے نتیجے اچ ملک کوں سالانہ 55 ارب روپے دا فائدہ تھیسی۔ واپڈا ذرائع دے مطابق اے منصوبہ مرحلہ وار پورا کیتا گے تے مجموعی طور تے 969 میگاواٹ بجلی سسٹم اچ شامل کیتی گی اے ، ہر یونٹ دی پیداواری استعداد 242.25 میگاواٹ ہے۔ پہلے یونٹ اچ اجوکے سال اپریل اچ پیداوار دا آغاز تھیا جیں دے بعد ہک ہک مہینے دے وقفے نال باقی ترائے یونٹاں توں وی پیداوار سسٹم اچ شامل تھی اے۔ ایں منصوبے کیتے 52 کلومیٹر طویل ٹنل اتے زیرزمین پاور ہاﺅس بنڑایا گے تے ایندے نال قومی گرڈ اچ سالانہ 5 ارب یونٹس بجلی سسٹم اچ شامل تھیسی۔
