اسلام آباد ۔ 12 اگست (اے پی پی)چیئرمین سینٹ محمد صادق سنجرانی بلوچستان دے طلبا کیتے سعودی حکومت ولوں وظیفے ڈیونڑ اُتے سعودی حکومت اتے سعودی ولی عہدشاہ سلمان دا شکریہ ادا کیتااتے آکھے جو سعودی عرب ہر اوکھے ویلے اچ پاکستان دا ساتھ ڈتے ، دوستی دا اے لازوال گانڈھا ویلے دے ہر امتحان اُتے پورا امسی ۔ یاد ہووے جو سعودی عرب ولوں پاکستان کیتے آندے سال توں حج کوٹہ کوں ودھاونڑ اُتے غورجاری ہے ۔ چیئرمین سینٹ دی خصوصی درخواست اُتے بلوچستان دے طلبا کیتے وظیفے دی منظوری ایں گالھ کوں ظاہر کریندے جو سعودی عرب پاکستان دے نال گانڈے کوں بہوں ساری اہمیت ڈیندے ۔ اے وظائف گریجویٹ اتے انڈر گریجویٹ سطح تے طلبا کوں ڈتے ویسن تانجو بلوچستان دے دورپریں دے پسماندہ علاقیاں توں تعلق رکھنڑآلے غریب اتے نادار طلبا کوں سعودی عرب دی بہترین یونیورسٹیاں اچ اعلیٰ تعلیم دے حصول دے خواب کوں پورا کیتا ونجنڑ اچ مدد ڈتی ونجے ۔ انہاں وظائف دے تحت نہ صرف تعلیم جڈانجو بئے سارے اخراجات ڈتے ویسن جدانجو طلباءکوں ماہانہ اعزازیہ وی ڈتا ویسی ، انہاں وظائف دی تعداد آندے سال توں ڈوگنا کر ڈتی ویسی تانجو ودھ توں ودھ طلباءکوں تعلیم دی سہولیات ڈتی ونج سگے ۔
