اسلام آباد ۔ 19ستمبر (اے پی پی) اسلام آباد ہائی کورٹ ایون فیلڈ ریفرنس اچ سابق وزیراعظم محمد نواز شریف، مریم نواز اتے کیپٹن (ر) محمد صفدردی سزامعطل کریندے ہوئے ضمانت تے رہائی دا حکم ڈتے۔بدھ کوں عدالت عالیہ دے جسٹس اطہر من اللہ اتے جسٹس میاں گل حسن اورنگزیب مختصرفیصلہ جاری کیتے جیندے مطابق ملزمان دی احتساب عدالت ولوں ڈتی گئی سزادے خلاف دائر درخواست منظور کرگھدی اتے ملزمان کوں 5، 5 لکھ روپے دے ضمانتی مچلکے جمع کراونڑ دا حکم ڈتے۔ملزمان دی اپیلاں تے فیصلہ آونڑ تئیں سزا معطل رہسی۔
