اسلام آباد ۔ 11ستمبر (اے پی پی) الیکشن کمیشن سندھ اسمبلی دے حلقہ پی ایس 13 اچ ووٹاں دی ولا گنتی دا حکم کریندے ہوئیں 2 اکتوبر تئیں ایندی رپورٹ منگ گھدی اے ،الیکشن کمیشن اچ منگل کوں چیف الیکشن کمشنر جسٹس (ر) سردار محمد رضا دی سربراہی اچ 4 رکنی بینچ پی ایس 13 لاڑکانہ توں ناکام امیدوار عادل الطاف انڑدی درخواست دی سماعت کیتی جیں دے بعد الیکشن کمیشن فیصلہ ڈتا جو ایں حلقے اچ ولا گنتی کرائی ونجے جڈاں جوریٹرننگ افیسر کوں ہدایت کیتی جو او ولا گنتی دے بعد نتیجے دی مفصل رپورٹ 2 اکتوبر کوں الیکشن کمیشن کو ں پٹھ ڈیون جڈاں جو ریٹرننگ آفیسر ریجنل الیکشن کمشنر اتے ڈسٹرکٹ الیکشن کمشنر دی موجودگی اچ ولا گنتی کراون ۔
